GETHUK
Gethuk iku pan jajanan (kudhapan) sing bahan utamane digawe saka ketela pohung (singkong). Gethuk
iku panganan sing gampang ditemoni ing Jawa Tengah lan Jawa Wetan.
Gawe gethuk kuwe gampang, dibutuhake
bahan-bahan kayata :
- Banyu kanggo nggodhog
- Tela pohung
- Uyah
- Gula pasir utawa gula jawa
- Bahan pawarna
- Klapa diparut
Yen
kepengin oleh gethuk sing warnane putih, sabecike nggo gula pasir, kanggo gethuk sing
warnane abang, sabecike nggo gula jawa, banjur yen kepengin warna ijo bisa
nganggo peresan godhong suji utawa pandan.
Carane gawe gethuk yaiku :
1.
Pohung dionceki kulite, dikumbah resik lan diiris-iris kurang luwih dawane 5 cm.
2.
Godhogen pohung nganti mateng, angin-anginen nganti kukuse
ilang.
3.
Campuren pohung, uyah sithik, gula. Lumaten nganti lembut.
4.
Wehana bahan pawarna yen seneng.
5.
Sajekna karo parutan klapa enom sing ditawurake ing
ndhuwure.
Gethuk iku biasane disajekake kanggo cemilan karo ngombe teh. Salah sijining variasi gethuk
iku carane karo digoreng. Kaya sing dadi oleh-oleh khas saking Sokaraja, Banyumas. Uga ana kang luwih seneng mangan gethuk kang dienggo
pacitan menawa lagi ana tamu.
Tidak ada komentar:
Posting Komentar